 |
 |
 |
 |
 |
 |
 |
- Hestoria
La ocupación humana d'estas tierras, data de mui antiguu, atouponunse pruebas que suxeren la esistencia de pobladores dende'l sieglu III enantias de Cristu. Consérvanse restos tantu de la domina prerromana cumu'l "castru las torcas" n'El Barriu, cumu de la dómina romana en forma d'esplotaciones auríferas.
El poblamientu autual del antiguu conceyu de Ribas del Sil d'Abaixu, data de los sieglos XI y X, cuandu los reis de la monarquía llïonesa poblóuse, sofitánduse pa eillu na creyación de piqueñas fundaciones monásticas cumu la del monasteriu de San Andrés d'Espinareida, cuyu Abá nel añu 1224 da al pueblu de Páramu del Sil la escritura de población y foru.
Nel añu 1292 el rei Sanchu, dona al obispu d'Estorga'l conceyu de Ribas de Sil d'Abaixu, pasandu a formar parte de las suas posesiones ata l'añu 1375 en que torna a la Corona, camudandu nuevamente de manos nel añu 1396, cuandu pa ganase'l favro de la nobleza, el Rei Enrique III concede al noble Pedru Suárez de Quiñones el conceyu de Ribas de Sil de Yusu.
En manos de la nobleza, tras desemeyadas donaciones y descedencias, llega Ribas de Sil a separase alministrativamente d'El Bierzu al pasar a formar parte del Señoríu de los Condes de Tsuna ata l'añu 1811, cuandu mediante Decretu emanáu de las Cortes de Cádiz aboliénunse los siñoríos y los conceyos, sustituyendu estos cabeiros pur un nuevu xeitu d'alministración, los ayuntamientos.
En 181, cuna creyación de la provincia de Villafranca del Bierzu Ribas de Sil tornóu a integrase alministrativamente n'El Bierzu.
Cunos sieglos XIX y XX, en Páramu del Sil, cumu nun podía ser d'outru xeitu, dexónunse sintire los continuos y convulsos cambios que vivíu Hespaña, tales cumu la Gerra de la Independencia ou la civil, la primeira y la segunda república, la Restauración de la Monarquía Borbónica y la ditadura de Primo de Rivera ou Franco.
Cuna costitución de 1878 y la chegada de la democracia, prodúxunse espeutaculares avances en servicios ya infracadarmas nel municipiu, las caules continúan anguañu.
En 1991 créyase la comarca d'El Bierzu y el Conseyu Comarcal d'El Bierzu, cumu primer presidente, Franciso Alfonso Álvarez fou tamién alcalde de Páramu del Sil ata 1995.