• Arquiteutura tradicional y heráldica

Amuesa de l'arquiteutura tradicional son:

* Cortín- Construiciones de piedra, de forma circular, orientaos hacia'l mediu dia, finaban las suas murias cun grandes llouxas que dificultaban la sua escalada. La sua función fundamental yera caltener nel sou interior los truebanos de mil, de xeitu que taban a salvu d'osos.

* Mulín hidráulicu - Sigún el Catrastu d'Ensenada, en Páramu había 22 molinos hidráulicos nos que los habitantes de la llocalidá molínan centenu y trigu. Estos mulinos, nomaos de rodeznu, tan costituyíos pur duas partes, l'infiernu del mulín allugáu baixu'l suelu y la outra allugada na parte interior de la estancia, que ye aú se muele'l granu. L'augua entraban nel mulín pur una canal de madeira ou piedra, golpïanu cun fuerza la rueda (rodeznu) provocandu'l sou movimientu.

* Cabana- Antiguos refuxos de pastores nas brañas y montes, normalmente formadas pur una sola dependiencia na qu'habitaban los dous vecinos ún pur ca turnu de la vixilancia'l ganáu. Dalgunos fonun recuperadas pal senderismu y caltiénsense en bon estáu.

Sobru los llouxaos de prieta pizarra, álzanse las chimeneyas típicas de la zona, nomadas troneras. Al frente de las suas antiguas casas blasonadas y solariegas, sobrusalen imponrentes escudos, que falan d'outros tiempos, d'outru ode social, una ríxida sociedá estamental na que la baixa nobleza, hidalgos y cleru inda vivían acomodaos nos sous privilexos.