Primer informe sobre'l llïonés en Salamanca

La Llingua Llïonesa ye la llingua propia del vieyu Reinu de Llión y guei inda se caltién en Salamanca.

Miembros de La Barda de Las Arribes del Douru, de la Sierra y de la ciudá de Salamanca tan a ellaborare baxu la direición d'un doutor en filoloxía y un llicenciáu en filoloxía románica un informe completu sobre la situación del llïonés na provincia de Salamanca. Eiquí damos un resumen del informe provisional:

La braeira llingua de la provincia de Salamanca ye'l llïonés. Pula presión del castellán guei las falas llionesas de Salamanca alcuéntranse arrequixadas y namái se caltienen nas Arribes y na Sierra de Gata ente los grupos d'idá más mayores (+60). La conocencia y el usu del llïonés ente las xeneraciones más nuevas ye menor. Na Sierra de Francia, asina comu nel Campu de Ciudá Rodrigu y nel Campu Charru caltiense l'amestáu, una mistura de llïonés y de castellán, nel que hai bien deillos rasgos llïoneses, sobre tou nu que cinca al pallabreiru llariegu.

El llïonés faláu na provincia de Salamanca sepártase en dous grupos.

Nas Arribes del Douru, estu ye, nas comarcas de La Ribera, parte del Campu de Vitigudinu y L'Abadengu, la llingua vernácula ye una variante llïonesa occidental con deillas influencias orientales. Ente las características que la estreman del castellán, de pertués y de los outros dialeutos de la llingua llïonesa atópanse:

Fonética:

-caltenimientu de f- anicial llatina, inda que haiga casos nos que se aspire (hache aspirada ou h., rasgu del llïonés oriental): farrapu, faya, farina, farinatu, h.incar.
-pieche vocálicu absolutu en posición átona: perru, Farrucu, verdi.
-pérdida progresiva de la palatalización, inda que entoavía se caltengan numerosas palatalizaciones: llamuerca, llastra.
-femeninu en -as: vacas, pegas. Esceición: Las Arribes.
-caltenimientu del grupu consonánticu -mb-: llamber ou lamber.

1. Morfoloxía y sintasis:

-perfeutos fuertes llïoneses: trajon, dijon, costoren.
-usu del artículu col posesivu: el mi(u) corderín.

Na Sierra de Gata, sobre tou na comarca d'El Rebollar, la llingua vernácula ye una variante llïonesa oriental carauterizada pur:

-pieche vocálicu absolutu en posición átona: perru, verdi.
-femeninu en -as, -es ou -is: pegas/peges/pegis.
-aspiración de la f- anicial llatina: h.arina, h.incar.
-sonorización de la -z-: dagal.